SON XƏBƏRLƏR

BÜTÜN XƏBƏRLƏR

Olimpiyaçılara ilk dəfə 10 min dollarlıq xüsusi qrant veriləcək

Olimpiyaçılara ilk dəfə 10 min dollarlıq xüsusi qrant veriləcək

İdman

29.06.2026, 09:56

Tarixdə ilk dəfə olaraq Olimpiya Oyunlarında iştirak edən bütün idmançılar 10 min ABŞ dolları məbləğində “Gələcək naminə hazırlıq” adlı xüsusi Olimpiya qrantı əldə edəcəklər.

Olimpiyadunyasi.com xəbər verir ki, bu qərar Beynəlxalq Olimpiya Komitəsinin İsveçrənin Lozanna şəhərində keçirilən 146-cı sessiyasında qəbul olunub.

BOK-un açıqlamasına əsasən, yeni təşəbbüs idmançıların həm uzunmüddətli idman fəaliyyətini, həm də peşəkar karyeradan sonrakı dövrə keçidini dəstəkləməyi hədəfləyən “Gələcək naminə hazırlıq” strateji proqramının tərkib hissəsidir. Qurum bununla olimpiyaçılar qarşısında götürdüyü öhdəliklərin yerinə yetirilməsini davam etdirdiyini vurğulayıb.

Yeni qrant mövcud maliyyə dəstək mexanizmlərini əvəz etməyəcək, əksinə, onları tamamlayacaq. Hər Olimpiya Oyunlarında təxminən 14 min idmançının bu vəsaiti almaq hüququ qazanacağı gözlənilir. Qrantlar Milli Olimpiya Komitələri vasitəsilə idmançılara çatdırılacaq.

Bildirilib ki, hər hansı olimpiyaçı qrantdan imtina edərsə, onun üçün ayrılmış vəsait fondda saxlanılacaq və gələcək Olimpiya iştirakçılarının dəstəklənməsinə yönəldiləcək.

Eyni zamanda qeyd olunub ki, bu proqramın həyata keçirilməsi BOK-un Milli Olimpiya Komitələrinə, beynəlxalq idman federasiyalarına, Olimpiya Oyunlarının Təşkilat Komitələrinə və Olimpiya Həmrəyliyi proqramına göstərdiyi maliyyə dəstəyinin azalmasına səbəb olmayacaq.

Qrant proqramı 2026 Milan-Kortina Qış Olimpiya Oyunlarından etibarən tətbiq ediləcək. Yarışlarda Aa akkreditasiyası ilə çıxış edən bütün olimpiyaçılar bu imkandan yararlana biləcəklər. Bunun üçün idmançıların antidopinq qaydalarını pozmaması, həmçinin BOK-un Etik Kodeksinə, Olimpiya Xartiyasına və iştirak şərtlərinə riayət etməsi tələb olunur.

BOK-un Atletlər Komitəsinin sədri Pau Gasol bildirib ki, bu vəsait medal qazananlara verilən mükafat deyil. Onun sözlərinə görə, Olimpiya Oyunlarına vəsiqə qazanmaq böyük zəhmət, uzunmüddətli hazırlıq və fədakarlıq tələb edir. Qrantın məqsədi məhz həmin əməyi qiymətləndirmək, bütün olimpiyaçıların Olimpiya ailəsinin ayrılmaz üzvü olduğunu təsdiqləmək və gələcək nəsil idmançılar üçün dəstək mexanizmi yaratmaqdır.

Hazırda BOK qrantın təqdim olunması və müraciət qaydalarının hazırlanmasını davam etdirir. “Milan-Kortina 2026” Oyunları üçün müraciət prosesinin cari ilin sonuna qədər başlaması, ilk ödənişlərin isə 2027-ci ildə həyata keçirilməsi planlaşdırılır. 

Dİgər xəbərlər

Avropa çempionatında Azərbaycanı təmsil edəcək güləşçilərimiz müəyyənləşib

03.07.2026, 13:20

Avropa çempionatında Azərbaycanı təmsil edəcək güləşçilərimiz müəyyənləşib
Fərid Qayıbov UNESCO-nun dopinqə qarşı konfransı çərçivəsində əməkdaşlıq məsələlərini müzakirə edib

03.07.2026, 11:41

Fərid Qayıbov UNESCO-nun dopinqə qarşı konfransı çərçivəsində əməkdaşlıq məsələlərini müzakirə edib
Atletlərimiz Balkan çempionatında iştirak edəcək 

03.07.2026, 11:34

Atletlərimiz Balkan çempionatında iştirak edəcək

 \"Neftçi\" Fransadakı Dünya Qadın Seriyasında mübarizəyə start verir 

03.07.2026, 11:24

 "Neftçi" Fransadakı Dünya Qadın Seriyasında mübarizəyə start verir 
DÇ-2026: 1/8 finalın daha üç iştirakçısının adına aydınlıq gələcək 

02.07.2026, 17:06

DÇ-2026: 1/8 finalın daha üç iştirakçısının adına aydınlıq gələcək

Olimpiya mükafatçımız reytinq siyahısına başçlıq edir

01.07.2026, 16:50

Olimpiya mükafatçımız reytinq siyahısına başçlıq edir
Parabadmintonçularla görüş keçirilib

01.07.2026, 16:34

Parabadmintonçularla görüş keçirilib
Şose velosipedi üzrə ölkə çempionatının qalibləri müəyyənləşib

01.07.2026, 16:14

Şose velosipedi üzrə ölkə çempionatının qalibləri müəyyənləşib
Yardımlıda cüdo üzrə region birinciliyi keçiriləcək 

01.07.2026, 16:04

Yardımlıda cüdo üzrə region birinciliyi keçiriləcək

Stolüstü tennisçilər respublika birinciliyində yarışırlar 

01.07.2026, 15:58

Stolüstü tennisçilər respublika birinciliyində yarışırlar

Azərbaycan millisi Qran-Prini dörd medalla başa vurdu

29.06.2026, 11:09

Azərbaycan millisi Qran-Prini dörd medalla başa vurdu
Deflimpiya üzrə üzgüçülük millisinə yeni baş məşqçi təyin edilib 

29.06.2026, 10:44

Deflimpiya üzrə üzgüçülük millisinə yeni baş məşqçi təyin edilib